Proa ao horizonte!

Olloboi 2026 iza velas e colle mar aberto cun rumbo claro: celebrar a creatividade, o cinema feito na aula e a forza da comunidade educativa. Botamos a ancla a unha nova edición cargada de enerxía, encontro e celebración compartida.

Dende hoxe e ata o 10 de maio, todos os centros educativos, así como as persoas vencelladas á comunidade educativa —alumnado, familias, profesorado, ex-profesorado e PAS— poden enviar as súas curtas. Nesta mesma páxina está dispoñible o formulario de inscrición, xunto coas bases da convocatoria, o histórico de edicións anteriores e material didáctico de apoio para a elaboración das curtas nas aulas.

O venres 22 de maio, Olloboi celebrará a súa xornada central en Boiro, na que xa é a nosa casa: a Abadía de San Enrique. Pola mañá, de 10.00 a 14.00 h, terá lugar a tradicional Muchachada.

Pola tarde, o festival abrirase á celebración con música, proxeccións e a entrega de premios.

Ao longo das próximas semanas iranse dando a coñecer máis actividades e detalles desta edición.

Por agora, ide afinando proxectos.

Probade, experimentade, contade. Olloboi 2026 xa está en marcha!

PREMIO OLLOBOI PEQUE:

1. Conexión, CEIP Torre da Cela
2. Máxica, CEIP Santa María do Castro

PREMIO OLLOBOI ESO:

1. La pieza que falta, Fundación Zaragueta Zulaica Fundazioa
2. Ex aequo: Estoy entre vosotros, IES Blanco Amor e Teoría da Relatividade, IES Rego de Trabe

PREMIO OLLOBOI BACH/CICLOS:

1. Reading Odissey, IES Virxe do Mar de Noia
2. Ex aequo: Segundos eternos e Su otro reflejo, ambos do IES Blanco Amor

PREMIO OLLOBOI +18: En el valle de la perseverancia, UVigo

PREMIO OLLOBOI 2030 (identidade, cine, terra): Que castróns son, CPI Eusebio Lorenzo Baleirón, Dodro

PREMIO OLLOBOI PT:

1. A Princesa na Torre, Frei Bartolomeu dos Mártires
2. Erros Meus, Má Fortuna, Amor Ardente, Carteado Mena

MUCHACHADA: E imos andando así, IES A Cachada