Colexio Cid
Hai acontecementos que dividen o tempo en dous: antes… e despois.
O que comeza como unha aparente situación de emerxencia nuclear, cunha aula evacuada, alumnado afectado e persoas con traxes de protección percorrendo o escenario do desastre, convértese pouco a pouco nun relato tan inquietante como absurdo.
Mentres unha alumna reconstrúe os feitos, descubrimos a transformación silenciosa dun compañeiro cada vez máis illado, obsesionado con debuxos apocalípticos e cun comportamento que fai sospeitar ao resto da clase. Todo parece apuntar cara a unha ameaza invisible… ata que a realidade rebenta da forma máis inesperada posible.
Entre o thriller, o falso drama catastrófico e a comedia máis incómoda, Zona 0 transforma unha situación completamente ridícula nun acontecemento narrado coa épica dun desastre mundial.