CEIP Sagrada Familia
Secuela da peza (A SUBSTITUTA 2024 para CINEMA NA ESCOLA)
Dous anos despois dos acontecementos de A Substituta, a historia parecía esquecida. O alumnado novo apenas coñece xa o relato de Úrsula, aquela misteriosa profesora substituta da que todos falaban como se fose unha lenda escolar. Pero hai obxectos que gardan memoria… e libros que nunca deberían volver abrirse.
Nunha aparentemente normal clase de redacción, pequenas coincidencias comezan a inquietar ao alumnado: frases escritas na pizarra cúmprense na realidade, obxectos móvense sós e unha presenza invisible parece percorrer corredores e bibliotecas baleiras.
Mentres o medo medra e a fronteira entre o real e o sobrenatural desaparece pouco a pouco, alguén parece disposto a continuar aquilo que quedara incompleto anos atrás. Porque algunhas historias non rematan nunca… simplemente atopan un novo aprendiz.